रानी जस्तै संधै राख्छु,भागेर जाऊं भनेकै हो। रीतीरिवाज परम्परा, नागेर जांऊ भनेकै हो।। हांस्दै उस्ले भनि आंट छ भने, लिनै आऊ घरमा। ठिकै छ नि त्यसो भए,मागेर जांऊ भनेकै हो।। रानी जस्तै संधै राख्छु,भागेर जाऊं भनेकै हो।। विदाई मै रात पर्ला, सुहागरातको माया मार। त्यसो भए अनिधो बसि,जागेर जांऊ भनेकै हो।। रानी जस्तै संधै राख्छु,भागेर जाऊं भनेकै हो।। सात फेरा ली सात जन्म, संगै हुने विश्वास मोरो। मायाको धागो मन्डप बाटै , टांगेर जांऊ भनेकै हो।। रानी जस्तै संधै राख्छु,भागेर जाऊं भनेकै हो। रीतीरिवाज परम्परा, नागेर जांऊ भनेकै हो।। -सुबज उप्रेती